Dorëheqjen e kryeministrit Kyriakos Mitsotakis e ka kërkuar presidenti i SYRIZA-s, Aleksis Tsipras , pas takimit me Presidentin e Republikës .
Greqia rrezikon që të shkojë në zgjedhje të parakohshme në qoftë se një mocion mosbesimi që kreu i SYRIZA-s dhe opozitës, Aleksi Tsipras kërkoi pasi doli mbrëmjen e sotme nga selia e Presidencës do të zbatohet.
Duke përdorur një gjuhë të ashpër, Tsipras u shpreh i neveritur nga ajo që e quajti shkelje flagrante e shtetit ligjor dhe një perversion i paparë demokratik nga një rrjet i pistë dhe kriminal që vepron brenda Pallatit “Maximos” dhe drejtohet nga kryeministri Kyriakos Mitsotakis.
“Nuk po flasim më me spekulime të bazuara në raportet e publikuara, po flasim me prova të mbledhura nga autoriteti kompetent kushtetues për sigurimin e komunikimeve gjatë auditimeve që ka bërë tek ofruesit e telekomunikacionit. Këto konfirmojnë frikën tonë më të keqe se EYP, të cilën z. Mitsotakis e mbikëqyr nën maskën e sigurisë kombëtare dhe dispozitave të njëpasnjëshme të nënshkruara nga prokurorja kompetente znj. Vlachou, ka shkelur konfidencialitetin e komunikimeve dhe ka përgjuar komunikimet telefonike të figurave politike, deputetëve, eurodeputetëve, ministrave, ushtarëve dhe gazetarëve si dhe nga udhëheqja e forcave të armatosura. Ky devijim demokratik nga një shtet ligjor në një shtet të privilegjuar nuk mund të kalojë pa llogaritur”, tha Tsipras.
Sakaq, e nesërmja pritet të jetë një ditë e turbullt për Parlamentin në Greqi pasi burimet e mediave në Athinë thonë se Alexis Tsipras do të marrë fjalën për një projektligj që do të diskutohet në seancë plenare dhe do të denoncojë të përfshirët që penguan hetimin në rastin e përgjimeve.
Vëzhguesit politikë mendojnë se ky zhvillim mund të sjellë propozimin për mocionin ndaj qeverisë apo kryetarit të Kuvendit.
Ndërkohë kryetari i SYRIZA-s duke e mbyllur deklaratën e tij tha se ka një mesazh optimist.
“Kryeministri i diversionit të përgjimeve dhe mbulimit duhet të marrë përgjegjësitë e tij politike dhe të japë dorëheqjen. Pjesa tjetër me detaje nesër në Parlament. Drita e së vërtetës ka mposhtur errësirën e mbulimit dhe është e sigurt se drejtësia dhe demokracia do të mbizotërojnë”, theksoi ai.
Ndërkohë nga forca qeverisëse “Demokracia e Re” e kanë quajtur delirant kreun e SYRIZA-s.
Përfaqësuesi i qeverisë, Yannis Oikonomou, i cili komentoi deklaratën e Tsipras gjatë daljes nga Pallati Presidencial, e sfidoi hapur kreun e opozitës që ta paraqesë një mocion mosbesimi, pasi është i sigurt se “Demokracia e Re” do të triumfojë.
“Me delirin e mbrëmjes së sotme të zotit Tsipras jashtë Pallatit Presidencial, ka përfunduar planifikimi që ka nisur prej muajsh. Me materiale që rrjetet e pista e kanë në dispozicion prej kohësh, ai kalon në përfundime të paargumentuara, imagjinative dhe krejtësisht të pavërteta. Por shumë fjalë janë varfëri. Le të guxojë të bëjë një mocion censurimi ndaj qeverisë. Ne do të diskutojmë gjithçka atje. Të gjitha!“, thekson Economou.
Sakaq, në kulmin e debateve politike në Athinë dhe diskutimeve për zgjedhjet që priten të mbahen në fillim të verës, një sondazh i ri tregon se “Demokracia e Re” e kryeministrit Mitsotakis udhëheq në exit polle me 7.5 pikë më shumë se “Syriza”.
