Xhuliano Skuka është zyrtarizuar sot si futbollisti më i ri i klubit të Metz në kategorinë e dytë franceze. Futbollisti shqiptar kthehet përsëri në një vend ku ka hedhur hapat e parë si futbollist, pasi është rritur në këtë krahinë në vitet e tij në Francë.
Ndaj edhe lojtari e ka cilësuar një krenari që kthehej përsëri në radhët e këtij klubi, por tashmë si profesionist, teksa priste me padurim që të bënte debutimin e tij.
“Jam krenar që kthehem këtu, në vendin ku filloi gjithçka. Unë dua t’u them tifozëve që pres me padurim t’i shoh në stadiumin “Saint-Symphorien”, ishin fjalët e tij të para si futbollisti i Metz, skuadër e cila është mes pretendenteve kryesore për ngjitjen në Ligën 1.
