Amir Abrashi është një emër i padiskutueshëm në radhët e klubit të Grasshoper dhe duket se do të vazhdojë të jetë i tillë edhe në vijim. Mesfushori 32-vjeçar ka rinovuar marrëveshjen e tij me klubin zviceran, duke zgjatur kontratën ekzistuese edhe një vit.
Kontrata e Abrashit përfundonte në verën e vitit 2023, por palët kanë gjetur gjuhën e përbashkët për vijimin e bashkëpunimit deri në verën e vitit 2024.
“Ishte një vendim i qartë dhe shumë i lehtë për mua. Jam shumë i lumtur dhe mezi pres të luaj edhe një vit në klubin e zemrës sime”, ishin fjalët e Abrashit pas firmës në kontratën që e lidh me klubin e Grasshoper.
