Në takimin e parë pasi iu hoqën 15 pikë nga klasifikimi i përgjithshëm i Serisë A (për balance të rreme), Juventusi “ngec” në “Allianz Stadium” përballë një prej skuadrave më në formë për momentin.
Bardhezinjtë barazuan 3-3 ndaj Atalantës në një ndeshje të cilën e nisën keq, përmbysën rezultatin e në fund pësuan sërish për të lënë dy pikë para tifozëve vendës.
Juventusi pëson gol që në minutën e pestë në sfidën e “Allianz Stadium” kundër Atalantës. Bardhezinjtë u ndëshkuan nga Lookman, pasi asistit të dhënë nga Jeremie Boga.
Një nisje e vështirë për bardhezinjtë, që vetëm dy ditë më parë u ndëshkuan me heqjen e 15 pikëve në klasifikim për mashtrim me bilancet. Kundërpërgjigjja e Juventusit erdhi fillimisht në minutën e 25-të, me penalltinë e shndërruar në gol nga Di Maria.
10 minuta pas golit të barazimit, Milik, i asistuar nga Fagioli, përmbysi rezultatin, 2-1. E pabesueshme ajo që ndodh me fillim e pjesës së dytë. Maehle, i shërbyer nga Lookman, duke i dhënë një tjetër kthesë sfidës.
Në minutën e 55-të, ashtu si në rastin e golit të parë të takimit, Lookman shënoi të dytin personal pas bashkëpunimit me Bogan. Sfida në “Allianz Arena” ka shumë për të ofruar. Në të 65-tën barazon sërish Juventusi me Danilon, 3-3.
Deri në fund shifrat nuk ndryshojnë më, teksa dy skuadrat ndajnë nga 1 pikë.
