Ka nisur seanca gjyqësore e Arbër Paplekajt në Gjykatën e Shkallës së Parë Elbasan, i akuzuar për vrasjen e Pjerin Xhuvanit në 21 prill të vitit 2021.
12 dëshmitarë pritet të dëshmojnë sot në procesin maratonë, lidhur me ngjarjen.
Të parët për të dëshmuar janë efektivët e policisë ‘Shqiponja’ dhe dy zv drejtorEt Niko Palla dhe Albert Nushi.
Po ashtu në ambjentet e hollit është parë shoferi Mehmet Greca dhe nuk dihet nëse do të dëshmoj sot.
Si rrallë herë, media jo vetëm nuk është lejuar të ndjeki seancën gjyqësore por nuk është lejuar të qëndrojë as në hollin e jashtëm të gjykatës.
Deri tani janë bërë me dije disa nga emrat e dëshmitarëve:
Arjan Hoxha
Pavlo Vuksani
Mehmet Greca
Erjon Demushi
Nuredin Kasmi
Çfarë ndodhi më 12 prill 2021?
Më 21 prill 2021, rreth orës 14:00, disa ish-policë dhe ish-efektivë ushtrie, bllokuan automjetin e Mehmet Grecës pasi sipas PD ishte duke shpërndarë lekë dhe duke blerë vota në lagjen “5 maji” në Elbasan. Bllokimi i makinës u bë përmes dhunës nga një grup i cili më pas u identifikua dhe rezultoi se bënte pjesë në “SMV”-të e ngritura nga Gazment Bardhi. Këto “SMV”, u njohën si Struktura për Mbrojtjen e Votës, që ishin caktuar për të mbrojtur votën. Përplasja e dhunshme solli plagosjen e 4 personave dhe vrasjen e Pjerin Xhuvanit.
Të plagosurit ishin Paulo Vuksani, Emiljano Prenga, Eltjon Bodinaku dhe Xhensila Sota. Nga dita e arrestimit deri më sot në pranga është ish-oficeri i RENEA-s, Arbër Paplekaj i cili akuzohet se qëlloi për vdekje Xhuvanin dhe dhëndrin e tij, Eltjon Bodinakun. Nuk dihet se kush qëlloi ndaj Emiljano Prengës dhe Paulo Vuksanit, të dy ish-policë, ndërsa nga pamjet filmike të analizuara dhe ekspertizat e kryera ka rezultuar se Paplekaj qëlloi Pjerin Xhuvanin dhe efektiven e Shqiponjave Xhensila Sota.
