Kili Nerjaku është arrestuar me urdhër të SPAK. Raportohet se ai u vu në pranga gjatë aksionit të djeshëm për shoqërimin e Rrahman Rrajës. Për këtë të fundit, raportohet se SPAK ka urdhëruar shoqërimin e detyrueshëm dhe për këtë ka dërguar dy herë Policinë e Shtetit në zonën e Niklës, në Fushë-Krujë, në ditët e fundit.
Më 12 Shtaorin e kaluar, Nerjaku ishte objekti i një atentati me snajper në Durrës, por që i shpëtoi pa pësuar asnjë lëndim. Nerjaku u qëllua sapo zbriti nga një automjet G-Class, në bordin e së cilës shte dhe nipi i ish-ministrit Lefter Koka, Haki Koka. Ngjarja ndodhi në zonën e quajtur “Rrota e kuqe” në Durrës. Para hetuesve, Nerjaku ka deklaruar ka se dyshime që të jetë qëlluar nga një furgon, i cili ka qenë duke lëvizur në anën tjetër të rrugës.
Kili Nerjaku rezulton i arrestuar për armëmbajtje pa leje në vitin 2017, po në Durrës.
Përveç Nerjakut, SPAK ka lëshuar urdhër-arreste edhe për persona të tjerë, disa prej të cilave janë ekzekutuar.
Kontrollet
Tre ditë më parë, policia ka mbërritur në Nikël për të zbatuar urdhrin e SPAK për të shoqëruar Ramazan Rrajën për t’u marrë në pyetje në lidhje me hetime të Prokurorisë së Posaçme, për të cilat mund të ketë dijeni.
Pasi nuk kanë pasur rezultat, policia është kthyer në Nikël këtë të enjte. Herën e dytë, oficerët kanë pasur me vete edhe një vendim gjyqësor për kontroll banese. Banesa e kontrolluar në emër të babait të Rrajës, prej disa muajsh përdoret nga xhaxhai i tij deputet, Rrahman Rraja, dhe sipas disa raportimeve mediatike, ishte pikërisht ky i fundit që u gjet në banesë.
Në ambientet e banesës nuk u raportua të jetë gjetur Ramazan Rraja, dhe as ndonjë send tjetër i jashtëligjshëm.
SPAK nuk konfirmon se për cilin hetim do të japë shpjegime Rraja, apo nëse ndaj tij ka një masë sigurie në mungesë. Por Prokuroria e Posaçme ka pasur dyshime për përfshirje të Rrajës në atentatin ndaj prokurorit Arjan Ndoi, ku u plagos ish-prokurori dhe u vra shoferi i tij, Andi Maloku, në nëntor 2019, ngjarje për të cilën po gjykohet në Gjykatën e Posaçme Redjan Rraja dhe Artiol Halilaj.
Më herët, Ramazan Rraja është kërkuar për të dhënë deklarime mbi masakrën në mbikalimin e Fushë-Krujës, në qershor 2022, ku u vra Brilant Martinaj, Dikler Vata dhe Besmir Hoxha.
