Kleanthi Laçi, mësuesi i shkollës 9-vjeçare në Tepelenë, i arrestuar nën akuzat se ngacmoi seksualisht dy nxënësve të mitura, rezulton të jetë është anëtar i Këshillit Bashkiak te Tepelenës.
Kleanthi Laçi përfaqëson Partinë Socialiste.
Deri më tani, PS ende nuk njoftuar një vendim për ta përjashtuar si këshilltar mësuesin, tanimë të pezulluar nga ministrja e Arsimit.
Më 16 janar, mësuesi i fizkulturës deklaroi se ishte dhunuar nga tre persona dhe kishte shkuar në spital për të marrë ndihmën e nevojshme.
Një ditë më pas, njëri prej të rinjve u vetëdorëzua në polici duke deklaruar se e kishte dhunuar mësuesin pasi motra e tij 13 vjeçe i kishte thënë se ai e kishte ngacmuar.
Më vonë, mësuesi u akuzua dhe për ngacmimin seksual të një nxënëseje tjetër.
40 ditë burg për mësuesin
Ndërkohë, këtë të Premte, Gjykata e Gjirokastrës caktoi masën e sigurimit 40 ditë burg për Kleanthi Laçin.
Gjykatësja Suela Dashi është njohur me ngjarjen përmes prokurores Edlira Manelli, e cila nga ana e saj ka kërkuar burg pa afat për mësuesin e edukimit fizik në shkollën 9-vjeçare “Avni Rustemi”, në Tepelenë.
Ndërsa mësuesi ka mohuar të ketë ngacmuar seksualisht nxënëset e tij.
Në fund, gjyqtarja vendosi 40 ditë paraburgim ndaj Kleanthi Laçit, i cili po mjekohet ende nga spitali i Gjirokastrës, ku ndodhet prej së dielës, pas dhunës së pësuar nga vëllai i një prej vajzave që dyshohet se mësuesi ngacmoi seksualisht.
Lexo edhe:
“E godita për motrën”/ Arrestohet për ngacmim seksual mësuesi i dhunuar në Tepelenë
