Janë publikuar pamjet nga operacioni i policisë për të zbuluar detaje mbi atentatin ndaj prokurorit Arjan Ndoj.
Kontrollet janë ushtruar në 11 banesa në Tiranë, Durrës dhe Fushë-Krujë, ndërsa janë arrestuar 5 persona, dhe janë shpallur në kërkim 4 të tjerë.
Kërkimet për detaje mbi ngjarjen, janë realizuar me metal-kërkues nga RENEA, FNSH dhe Forcat Operacionale.
Në banesa u gjetën 1 armë gjahu, 1 jelek antiplumb, 2 jelekë shpëtimi, dylbi me rreze të largët, 5 automjete, 4 milionë lekë, 6 aparate celulare, 50 kontrata shit-blerjeje pronash, dokumente, 11 ora dore të markave të shtrenjta dhe sende të tjera të ndryshme.
