Agron Gjekmarkaj, ka reaguar mbi përkeqësimin e situatës së krijuar nga përmbytjet në Lezhë.
Përmes një postimi në rrjetin e tij social Fb, Gjekmarkaj shkruan se batërdia urbane po shfaq pasojat në kurriz të qytetarëve, ndërsa i bën thirrje bashkisë, emergjencave civile si edhe qeverisë që në këtë situatë problematike të jenë pranë qytetarëve.
“Duhet ndërhyrje dhe jo sehir”,- shkruan mes të tjerash Gjekmarkaj.
Reagimi:
Gjendja e permbytjeve në Lezhe është katastrofike. Uji vershon kudo, në shtepi dhe biznese. Baterdia urbane po shfaq pasojat e saj në çdo stine në kurriz të qytetarve. I bëj thirrje Bashkisë punonjesve të saj, emergjencave civile, qeverisë që të jenë pranë qytetarve në keto momente te veshtira. Duhen akte dhe jo fjale. Duhet ndihme dhe jo propagandë. Duhet nderhyrje dhe jo sehir.
