Policia ka zhvilluar ditën e sotme një operacion në Krujë, me qëllim evidentimin dhe goditjen e paligjshmërive mjedisore.
Nga ky operacion është arrestuar një 52-vjeçar pasi gjatë kontrollit të ushtruar në guroren që administrohej prej tij, në Krastë, u konstatua se nuk dispononte dokumentacionin përkatës, për ushtrimin e aktiviteteve të nxjerrjes dhe përpunimit të materialeve inerte dhe gurore.
Gjithashtu është shpallur në kërkim shtetasi I.L, 55-vjeç, pasi u konstatua se nuk dispononte dokumentacion përkatës për ushtrimin e aktiviteteve të nxjerrjes dhe përpunimit të materialeve inerte dhe gurore.
Në momentin e kontrollit, shtetasi I. L. nuk ndodhej në ambientet e këtij subjekti, ndaj 55-vjeçari është shpallur në kërkim dhe vijon puna për kapjen e tij.
