Një 33-vjeçar është proceduar nga policia e Pogradecit, pasi ka plagosur një 44-vjeçar.
Burimet policore bëjnë me dije se ky i fundit, ka përndjekur të motrën e 33-vjeçarit, veprim i cili ka sjellë dhe konfliktin.
“Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi në gjendje të lirë për shtetasit: A. R., 44 vjeç, banues në Pogradec për veprën penale “Përndjekja”, dhe A. K., 33 vjeç, banues në Pogradec, për veprën penale “Plagosja e lehtë me dashje”. Shtetasi A. R. dyshohet se ka përndjekur motrën e shtetasit A. K., i cili për këtë arsye ka goditur fizikisht shtetasin A. R., duke i shkaktuar dëmtime të lehta trupore”,- bën me dije policia.
Materialet i kaluan Porkurorisë, për veprime të mëtejshme.
