Gjykata e Durrësit ka lënë në burg dy prej të arrestuarve në anijen shqiptare për operacionin e kontrabandës së naftës. Për pronarin e anijes, si dhe kapitenin, Elton Qevanin e Selim Gaban, gjykata ka dhënë masën arrest me burg, ndërsa detyrim paraqitjeje për Klajdi Kapxhiun dhe Muhamed Rada.
Këta persona ishin në bordin e anijes shqiptare.
Po ashtu, gjykata ka lënë në burg të gjithë ekuipazhin e anijes libiane.
Arrestimet erdhën pas një operacioni të përbashkët mes Shqipërisë dhe Guardia di Finanza ku u kapën 62 mijë litra naftë kontrabandë pranë Portit të Durrësit që vinte nga Libia.
Anijet u konstatuan më 12 janar, kur u arrestuan anëtarët e ekuipazhit të ‘Geni’ dhe një ditë më pas u vunë në pranga anëtarë e ekuipazhit të anijes libiane.
Lexo edhe:
Sërish naftë kontrabandë/ Sekuestrohen 62.000 litra, pranga ekuipazhit të dy anijeve
