Për shkak të motit të keq që është parashikuar në ditët në vijim është pezulluar lundrimi për të gjitha mjetet e vogla, si edhe për ato të peshkimit.
Njoftimi është bërë me dije nga Autoriteti Portual, ku theksohet se pezullimi do të zgjasë deri më darë 19 janar, pasi për shkak të motit të keq lartësia e dallgëve mund të shkojë nga 1.80 deri 3.50 metra.
Autoriteti Portual bën thirrje edhe drejtuesit anijeve të peshkimit dhe mjetet e vogla lundruese të marrin masa për sigurimin e mjeteve në kalatë.
Njoftim për përkeqësim të motit!
Në bazë të parashikimit për situatën hidrometeorologjike në datën për 16-17-18 Janar 2023 moti do të përkeqësohet duke filluar në orën 01:00 të datës 16 Janar 2023 përgjatë gjithë bregdetit Shqiptar. Era do të jetë me drejtimin Jug-JugPerëndim në forcën 6-7bft deri 8bft 15-25m/s dhe lartësi dallge nga 1.80 deri 3.50 metra.
Përmisimi i situatës hidrometeorologjike të përkeqësuar për lundrimin e sigurtë për mjetet e vogla lundruese dhe të peshkimit do të jetë mbas datës 19 Janar 2023 ora 16:00.
Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.
