Lëkundje të fuqishme tërmeti janë ndjerë në disa qytete të vendit. Konkretisht raportohet se janë ndjerë lëkundje të fuqishme në Tiranë, Durrës, Fushë-Krujë, Lezhë, Korçë, Elbasan, Berat.
Sipas EMSC-së tërmeti është 4.7 ballë i shkallës rihter dhe epiqendra është në Burrel dhe 29 kilometra nga Tirana me thellësi 2 km. Goditja e parë u shoqërua me një tërmet më të lehtë.
Sizmiologu Rrapo Ormeni në një intervistë për Report Tv tha se nuk ka vend për panik nga tërmeti. Sipas tij epiqendra ishte në Klos dhe ishte 4.7 ballë i shkallës rihter.
‘Një tërmet i cili ka rënë tani është me epiqendër 25 km në verilindje të Tiranës është ndjerë fort dhe në Tiranë. Është një tërmet 4.7 i shkallës rihter dhe mbi 6 ballë. Utet në tërmete të zakonshme që përsëriten çdo vit. Zona Bulqizës Dibër është një zonë sizmikë. Pas këtij tërmeti ka pasur edhe lëkundje të tjera më të vogla. Nuk është një tërmet që shkakton panik, nuk shkakton dëme materiale.- tha Ormeni.
