Një 47 vjeçar është arrestuar nga Policia pasi akuzohet për korrupsion në zgjedhje.
Në pranga ka rënë shtetasi Vasil Shabani, banues në fshatin Buzhalë, Pukë.
Sipas njoftimin të policisë më datë 10.1.2023 Gjykata e ka dënuar me 8 muaj burg Shabanin, ndërsa sot është bërë i mundur lokalizimi dhe arrestimi i tij.
“Gjykata e Posaçme Kundër Korrupsionit dhe Krimit të Organizuar, Tiranë, me Vendim Penal datë 10.01.2023, e ka dënuar këtë shtetas me 8 muaj burgim, për veprën penale “Korrupsioni aktiv në zgjedhje“,- thuhet në njoftimin e policisë.
Materialet i kaluan Prokurorisë për veprime të mëtejshme.
