Humbja me përmbysje e Partizanit ditën e sotme ndaj Vllaznisë, ka zhgënjyer tej mase tifozët e kuq, si dhe ish-futbollistët e Partizanit.
Sipas Skerdi Bejzades, fajtori kryesor i disfatës së sotme tek skuadra kryeqytetase ishte trajneri Kolela. Nëpërmjet një komenti në statusin e Edmond Dostit, Bejzade shkroi se italiani gaboi me zëvendësimin e Telushit dhe mbrojtësit të majtë, Buxhelaj, teksa rezultati ishte 1-0.
Sipas ish-sulmuesit, Kolela duhet të ndërronte Hotin që gaboi shumë për sa i përket pasave në mesfushë.
“Isha në stadium, ndeshjen ia humbi trajneri Partizanit. Nuk kishte pse ta ndërronte Telushin dhe mbrojtësin e majtë pas 1 -0. Kurse ai Hoti, nga 15 topa që kapi, i humbi të 15. Nuk e di si e mbante në fushë akoma”, ka shkruar Skerdi Bejzade në komentin e tij.
