Kreu i Partisë së Lirisë, Ilir Meta është shprehur i bindur për fitoren e madhe të opozitës në zgjedhjet lokale të 14 majit.
Gjatë një postimi në rrjetet sociale, Meta thekson se opozita do të korë sukses në bashkitë më të mëdha të vendit siç janë Tirana, Durrësi dhe Elbasani. Sipas Metës, më 14 maj do të marrë fund mungesa e transparencës ndaj qytetarëve.
“Askush nuk mund të na shpërqendrojë nga fitorja e padiskutueshme që pritet në Tiranë, në Durrës, në Elbasan dhe në të gjithë Shqipërinë. Errësira dhe mungesa e transparencës ndaj qytetarëve nga bashkitë e kontrolluara nga “Rilindja”, pas 14 Majit do të marrin fund njëherë e përgjithmonë”, shkruan Meta teksa shpërndan videon gjatë konferencës me gazetarët.
