Një skandal i vërtetë ka tronditur qeverinë britanike teksa mediat vendase raportojnë se nga skema e “Vizave të Arta” kanë përftuar dhjetëra miq të Vladimir Putin, duke vendosur në rrezik sigurinë kombëtare.
Skema në fjalë u përdor nga oligarkët pranë Putin duke u dhënë akses ‘pas kuintave’ disa investitorëve të huaj me rrezik të lartë të lidhjeve me korrupsionin ose krimin e organizuar.
Sistemi i ‘vizave të arta’ të qeverisë u përdor nga të paktën dhjetë rusë, të cilët që atëherë janë sanksionuar dhe të tjerë që përfliten se kanë fituar pasurinë e tyre përmes korrupsionit dhe krimit.
Sekretarja e Brendshme Suella Braverman nxori të dhënat pasi paraardhësja e saj Priti Patel mbylli rrugën e vizave të Nivelit 1 të Investitorëve vitin e kaluar pas frikës se ajo po shfrytëzohej nga miqtë e Putinit.
Më shumë se 12,000 viza janë dhënë dhe 2,500 prej tyre janë akorduar për rusët.
Ata që kualifikoheshin për vizën, sipas skemës së nisur në vitin 2008, duhej të kishin të paktën 2 milionë paund në fonde investimi në kompani aktive dhe tregtare të regjistruara në Mbretërinë e Bashkuar.
Aplikantët e suksesshëm ishin në gjendje të punonin ose studionin në Britani deri në pesë vjet dhe të aplikonin për t’u vendosur në vend pasi të bënin investime të mëtejshme.
Por skema u rishikua për shkak të frikës se sistemi mund të shfrytëzohej, sepse nuk ishin bërë kontrolle të mjaftueshme të sfondit për aplikantët, mes pretendimeve të ish-ministrit të Punës, Chris Bryant, se vizat po u jepeshin ‘oligarkëve të dyshimtë rusë’.
