Një 20-vjeçar shqiptar është arrestuar në Fidenza të Italisë pasi u kap duke shpërndarë lëndë narkotike.
Një 20-vjeçar është arrestuar në Itali pasi është kapur në flagrancë duke shpërndarë lëndë narkotike.
Mediat italiane, bëjnë me dije se ai është kapur nga policia e patrullës e cila vuri re shqiptarin duke shkëmbyer diçka me një person tjetër.
Një patrullë ndaloi shitësin e dyshuar teksa hynte në një shtëpi aty pranë dhe tjetra bllokoi blerësin duke gjetur dy doza kokainë. Pas asaj u kontrollua banesa ku qëndronte 20-vjeçari shqiptar, ku iu gjetën pothuajse 1200 euro të fshehura në xhaketë, ndërsa kontrolli i shtëpisë bëri të mundur sekuestrimin e parave të tjera, materiale për paketimin e drogës dhe 15 gramë kokainë të ndarë në 27 doza të fshehura me zgjuarsi brenda një krehër flokësh.
