Mbrëmje dramatike për Milanin e Stefano Piolit. Kuqezinjtë janë eliminuar në fazën e 1/8-ave të Kupës së Italisë, teksa u mposhtën me rezultatin 0-1 nga Torino në “San Siro”.
Edhe pse miqtë ishin me 10 lojtarë në fushë që prej minutës së 70-të, kur Djidji, u ndëshkua me kartonin e dytë të verdhë, kampionët në fuqi të Serisë A, nuk e shfrytëzuan superioritetin numerik. Koha e rregullt përfundoi me rezultatin 0-0.
Kur të gjithë prisnin golin e Milanit, “Demat”arritën të shtangnin të pranishmit në shkallët e stadiumit, teksa me një kundërsulm vrastar në minutën e 114-të, zhbllokuan shifrat me anë të Adopo. Një gol ky që i dha kualifikimin për në çerekfinale Torinos.
