Departamenti Amerikan i Shëndetësisë ka zgjatur përcaktimin e pandemisë Covid-19 si një ” urgjencë e shëndetit publik “, një vendim që u mundëson miliona amerikanëve të marrin teste, vaksina dhe trajtime falas.
Gjendja e jashtëzakonshme u shpall për herë të parë në janar 2020, kur shpërtheu pandemia. Që atëherë ajo është rinovuar çdo tre muaj .
Vaksinat dhe mjekimet kanë ulur numrin e vdekjeve nga koronavirusi .
Në fillim të vitit 2021, me fillimin e presidencës së Joe Biden, rreth 3,000 amerikanë vdisnin në ditë, një numër që ka rënë në rreth 400 , sipas statistikave të CDC. Me shifrat e fundit të publikuara, rastet e reja janë mesatarisht mbi 67,000 në javë .
Është pikërisht kjo prani e vazhdueshme e pandemisë, si dhe faktorët që lidhen me testet dhe vaksinat, që çuan në vendimin për një zgjatje të re, raporton Reuters .
