Dy të rinjtë që u bënë protagonistë në grabitjen me armë të një marketi në qytetin e Durrësit, pasi janë vënë në pranga nga policia kanë dalë sot para gjykatës për t’u njohur me masën e sigurisë.
Orges Mona (34 vjeç) dhe Erlind Shehaj që akuzohen për grabitjen e xhiros ditore prej 15 milekësh të marketit u paraqitën para togave të zeza, por 35-vjeçari nga lagja nr. 13 Durrës, i cili është dënuar edhe më parë për vjedhje ka humbur ndjenjat në sallën e gjyqit.
Mësohet se është dashur ndërhyrja e një ekipi mjekësor për tra transportuar Shehajn me ambulancë për në spital.
Në foto mund të shihet 35-vjeçari që merret me një karrocë me rrota për t’u nxjerrë jashtë dyerve të gjykatës ku e pret ambulanca.
Sakaq, të dy personat e vënë në pranga, Orges Mona dhe Erlind Shehaj, janë emra të njohur për blutë e qytetit pasi janë dënuar më parë për vjedhje dhe për veprimtari kriminale në fushën e narkotikëve.
Ata kanë kryer vjedhje më parë në një dyqan në Arapaj dhe në një banesë në qytetin e Durrësit.
Arrestimi i tyre u bë i mundur pasi janë marrë pamjet kamerave të sigurisë në bizneset e lagjes nr. 15.
