Gjykata e Apelit ka vendosur 15 vite heqje lirie për Aldiron Shehun, të riun që plagosi një efektiv policie në Elbasan dhe rrezikoi jetën e katër të tjerëve, gjatë një ndjekje policore ku ai tentoi të largohej.
Kujtojmë se më herët Shehu ishte dënuar me 6 vite burg, por sot Gjykata e Apelit Durrës ka riklasifikuar akuzën e ngritur nga Prokuroria ndaj tij.
Apeli ka lënë në fuqi akuzën “Vrasje e punonjësve të Policisë së Shtetit mbetur në tentativë” dhe jo atë të “Kanosjes” dhe ka vendosur dënimin me 15 vite burg për të riun.
