Në konferencën e sotme për mediat, zv/kryeministrja Belinda Balluku nuk ka mundur t’i shpëtojë pyetjes së gazetarëve mbi ngjarjen e ndodhur së fundmi, ku në banesën e zyrtares së AMF-së, Alda Klosi, e cila ka mbajtur edhe detyrën e këshilltares në Kryeministri u grabitën mbi 500 mijë euro.
Balluku ka zgjedhur të “triblojë” gazetarët, duke mos komentuar arrestimin e pastrueses Rozeta Dobi dhe të birit Havier Dobi për super-grabitjen në banesën e zyrtares së qeverisë Rama.
Ajo tha se është shumë e zënë dhe ka pak kohë të lirë për të shfrytëzuar edhe me fëmijët e saj, duke mos preferuar të merret me këto lajme.
“Jam shumë e zënë dhe me del pak kohë të shikoj me fëmijët e mi e jo më me lajme e të di kush është ish-shefja e paraardhësit tim. Dua t’ju kujtoj një fakt që PS dhe Rama janë iniciatorë dhe udhëheqësit të reformës në drejtësi. I bëjmë thirrje drejtësisë të bëjë punën e vet pa dëgjuar askënd”, tha ajo.
