“Homeland Justice”, grupi i hakerave që ka marrë përsipër sulmet kibernetike ndaj faqeve shtetërore online, ka publikuar këtë të Hënë të dhëna të reja.
Përmes një postimi në Telegram, grupi ka publikuar disa lista me llogari bankare të firmave private, institucioneve publike dhe individëve.
“Homeland Justice” jep një renditje me 1 000 llogaritë bankare më të kamura. Vendi i parë i përket një institucioni shtetëror me rreth 55 mld lekë. Lista mbyllet me një indicid me 66 mln.
Bashkë me infotmacionet për shumat monetare, në lista ka edhe adresa, numra telefoni dhe EBAN, ndërsa nuk specifikohet nga janë marrë informacionet.
Grupi “Homeland Justice” ka publikuar një sërë dokumentash. Së fundmi, kanë publikuar certifikatat e sigurisë të punonjësve të Ministrisë, si edhe lista të zgjedhësve. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, ish-kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit.
Lista me fluturimet e kryeministrit Edi Rama ishte një tjetër publikim që ngjalli debat në vend, me opozitën që ka kërkuar komision hetimor, duke akuzuar Ramën për shpërdorim detyre dhe vjedhje të parave publike.
