Shuma prej 404 mijë e 800 euro që u gjet ditën e djeshme në tubat e aspirimit të familjes Dobi në Tiranë ka mbetur “jetime” sipas organeve të drejtësisë.
Edhe pse pastruesja Rozeta Dobi dhe i biri Havier Dobi u lanë sot në burg nga gjykata pasi akuzohen për grabitjen në banesën e Alda Klosit, ish-shefja e kabinetit të Arben Ahmetajt sipas avokatit mbrojtës të nënë e bir ka denoncuar vetëm grabitjen e 120 mijë eurove që u gjetën në aksionin e ditës së parë.
“Dy të akuzuarit akuzohet se kanë vjedhur 44 mijë euro plus dollarë, lekë dhe bizhuteri , e po ashtu 120 mijë euro të cilat u denoncuan nga Alda Klosi. Në vetvete shuma e dytë nuk i përket asnjë personi, Klosi ka bërë denoncim vetëm për 120 mijë eurot. Nuk do ishte etike dhe profesionale të flisja për këtë punë. Paratë janë gjetur në ditë të ndryshme. Janë dy momente të ndara ndy data të ndryshme. Për këtë shumë nuk është pyetur as Klosi nëse këto para janë të sajat”, deklaroi avokati në “Shqipëria LIVE”.
