Një ngjarje e rëndë ka ndodhur në Iran ku një gazetar ka kryer vetëvrasje pasi u lirua nga burgu. Ishte kolegu i tij, Hoshang Golmakani i cili lajmëroi vdekjen e 36 -vjeçarit Mohsen Jafari-Rad.
“Vetëvrasje pas lirisë. Para disa javësh, gjatë trazirave në Karaj, Moshen u arrestua rrugës për në shtëpinë e tij. Më pas u lirua”, shkruan Golmakani në një postim në Instagram.
Sipas BBC, ky nuk është rasti i parë i vetëvrasjes pas lirimit nga burgjet iraniane. Dhe gjithnjë e më shumë analistë flasin për “vdekje të dyshimta” .
Golmakani ka raportuar se kolegu ka vrarë veten duke marrë disa pilula. Ai kishte qenë në burg për dy javë pas arrestimit pranë Teheranit.
