Kreu i PD-së, Sali Berisha ka denoncuar gjendjen skandaloze të oborrit të QSUT-së.
Përmes një postimi në rrjetin e tij social fb, Berisha ka publikuar një foto ku dallohet se në çfarë gjendje katastrofike ndodhet oborri i spitalit, ndërsa shton se kjo ndodh kur fondet vidhen nga drejtoresha Albana Fico dhe ministrja Ogerta Manastirliu.
‘Kjo është kur fondet vidhen Fico-Manastirliu. Ish kunata e Edi Ramës, tani drejtoreshë e përgjithshme e spitalit, Fico, mendon vetëm si të pasurohet. Ajo porosit shtrate dopio për zyrën, ndërsa oborrin e spitalit e ka lënë në gjendje që nuk ka qenë kurrë më parë’, shkruan Berisha në Facebook.
Postimi i plotë:
Ky është mjedisi në spitalin kryesor të Shqipërisë!
Kjo është kur fondet vidhen Fico-Manastirliu.
Ish kunata e Edi Ramës, tani drejtoreshë e përgjithshme e spitalit, Fico, mendon vetëm si të pasurohet. Ajo porosit shtrate dopio për zyrën, ndërsa oborrin e spitalit e ka lënë në gjendje që nuk ka qenë kurrë më parë.
Fotot tregojnë pamje që flasin vetë!
E vërteta është se Tirana në 255 qytetet kryesore të botës, renditet për shërbimin shëndetësor ne vendin e 245-të, pra 10 qytetet me shërbimin më të keq në botë! Vjedhja shkatërron çdo gjë. Krim i shëmtuar! #sb
