Një 11-vjeçar dhe një 31-vjeçar, janë plagosur sot në fshatin Drajkovc të Shtërpcës në Kosovë.
Në drejtim të tyre është shtënë me armë zjarri nga një automjet në lëvizje.
“Sot rreth orës 15:19 policia e stacionit në fshatin Drajkovc të Shtërpcës dy persona, njëri rreth 11 vjeçar dhe tjetri rreth 31 vjeçar janë plagosur nga arma e zjarrit nga personi/persona të panjohur i cili/të cilët ishin me një automjet të udhëtarëve në lëvizje, që po qarkullonte nga Shtërpca në drejtim të Ferizajt dhe më pas janë larguar nga vendi i ngjarjes”, thuhet në njoftimin e policisë.
Të plagosurit janë jashtë rrezikut për jetën.
