Motit me temperatura pranverore që na shoqëroi në dhjetëditëshin e fundit të muajit dhjetor dhe javën e parë të janarit, pritet t’i lërë vendin motit të acartë të diimrit.
Kështu bën me dije sinoptikania e MeteoAlb LajdaPorja, e cila është shprehur se edhe kjo fundjavë do të jetë e ngrohtë dhe pa reshje, ndërsa ndryshimi i motit do nisë të martën.
Nga mesi i javës tjetër, veç temperaturave të ulëta pritet që të jenë prezente edhe reshjet e shiut dhe të dëborës në disa zona.
“Edhe kjo fundjavë do jetë e ngrohtë dhe pa reshje. Temperaturat e ajrit gjatë fundjavës rriten në orët e para të mëngjesit me 3-4 gradë në zonat malore, ndërsa temperaturat maksimale mbeten 15 apo 16 gradë. Fillimi i javës tjetër, që nga e marta do të përjetojmë temperature tipike të dimrit, ku do kemi edhe sisteme vranësira që do sjellin reshje të shiut dhe dëborës. Java tjetër ndërkohë, do jetë tipike e dimrit me temperatura të ulta deri në -4 gradë Celsius. Reshjet edhe pse do jenë prezente, do të jenë të pakta, ditën e hënë dhe të martën. Mesi janarit do sjellë temperaturat tipike të dimrit pas 10 ditëshit kur kemi pasur temperature rekord deri në 18 gradë Celsius”, parashikon sinoptikania Lajda Porja.
