Trajneri Xhovani Kolela, përveçse po e mban skuadrën e Partizanit në krye, nuk ka pasur aspak frikë të aktivizojë djem të rinj për t’u dhënë shansin të tregojnë vlerat e tyre, si dhe të fitojnë eksperiencë.
Surpriza më e madhe është padyshim Paulo Buxhelaj, i cili është shndërruar në një titullar, me trajnerin, i cili vendosi t’i besojë vlonjatit përpara maqedonasit Atanaskoski. Ndërkohë, Leart Zekolli është gjithashtu lojtar, i cili është përdorur shpesh nga trajneri dhe ka dhënë sinjale pozitive.
Kurse 18-vjeçari Mal Januzi është një nga debutuesit më të rinj. Galip Arapi dhe Henri Zuna gjithashtu kanë fituar mundësinë për të debutuar në Superiore me të kuqtë. Gjatë këtyre ditëve, Kolela ka grumbulluar të rinj të tjerë, për të parë nëse janë të vlefshëm për ekipin e parë.
/Panorama Sport/
