Në përfundim të festive të fundvitit, periudhë kohore kur konsumohen sasi të konsiderueshme të mishit dhe nënprodukteve të tij, një imazh i rëndë vjen nga Lezha.
Në një foto që po qarkullon gjerësisht në media shihet se mishi në Lezhë transportohet jashtë çdo lloj kushti të higjenës dhe të sigurisë ushqimore.
Një ngarkesë me mish shihet duke u lëvizur me një kamion, jofrigoriferik dhe për më tepër i zbuluar në pjesën e pasme të tij, duke bërë që të gjitha pluhurat e rrugës plot microbe dhe baktere të përthithen nga produkti që do të përfundojë në tryezat e qytetarëve.
Pamjet që tregojnë se siguria ushqimore në Shqipëri lë për të dëshiruar, janë fotografuar mesditën e kësaj të premte.
Sipas denoncimit të qtetarëve mishi do të transportohej për përpunim drejt një biznesi privat e më pas do të shpërndahej për konsum të gjerë në tryezat e qytetarëve.
