“Ngujimi” i Edi Ramës për 16 orë në “Vilën 30” të qeverisë me ministrat e tij ka përfunduar pak minuta më parë, siç edhe vetë kryeminstri njofton me një postim në rrjetet sociale.
“Maratona e diskutimit të fillimvitit në qeveri sapo mbaroi pas 16 orë e 25 minutash, ku kaluam në skaner çdo sektor për vitin që sapo iku dhe debatuam e miratuam objektivat konkretë të këtij Viti të Ri, i cili do të jetë një vit më pranë njerëzve, duke u nisur gjithnjë nga ata më në nevojë. #QEVERIeSHUMICËS🇦🇱#JOeDisave”, shkruan Rama.
Mbledhja maratonë sipas Ramës do të hedhë themelet për një 2023 të mbushur me punë e projekte, por deri më tani ka prodhuar një fletë A4 plot shkarravina e një maçok të pikturuar me laps prej tij, siç edhe pamë në dy foto të postuara mbrëmjen e djeshme.
Rama gjithashtu shkruan në postimin e tij se gjatë mbledhje kanë në skaner çdo sektor dhe “miratuam objektivat konkretë të këtij Viti të Ri”.
E teksa Shqipëria hyn në një vit elektoral dhe i afrohet zgjedhjeve lokale të 14 majit, me qeverinë që ka hapur “thesin” e thërrimeve për të “kuar” elektoratin gri me bindjen se do t’u rrëmbejë votën, Rama iu thotë ministrave në videon e tij se “mbi bazat e 2022 kemi arsye të besojmë se 2023 do ta bëjmë tërmet”.
