Gazeta Rilindja Demokratike shënon sot 32-vjetorin e themelimit të saj. Me këtë rast, Partia Demokratike organizoi një ceremoni ku të pranishëm ishin gazetarë të RD-së, politikanë dhe përfaqësues të tjerë të medias.
Por në këtë ditëlindje për Rilindjen Demokratike, mungonte kryetari i PD-së, Sali Berisha.
Në fillim të ceremonisë, deputeti i PD-së, Oerd Bylykbashi deklaroi se ish-kryeministri Berisha ishte me grip, ndaj edhe nuk ishte i pranishëm në ceremony.
“Më bie privilegji t’iu drejtohem sot në këtë 32-vjetor të themelimit të Rilindjes Demokratike, t’iu përcjell edhe urimet më të mira të Berishës, i cili për arsye të një gripi nuk arriti dot që të na bashkohej. Ju përcjell edhe urimet e tij në 32-vjetorin e Rilindjes Demokratike dhe urime në këtë vit të ri 2023”, u shpreh Bylykbashi.
