Një 49-vjeçar shqiptar është vënë në pranga pasi ka sulmuar rojet e një spitali me acid.
Mediat italiane raportojnë se shqiptari ka tentuar të hyjë me forcë në spital me argumentin se ka një person të afërm të shtruar brenda.
Ai kërkoi informacione për gjendjen shëndetësore të të afërmit të tij, por kur nga rojet nuk i është dhënë përgjigje, ai ka tentuar të futet me forcë dhe kur ata nuk e lejuan ai i sulmoi me acid.
Për pasojë, rojet kanë pësuar djegie në fytyrë dhe në pjesë të ndryshme të trupit.
Shqiptari u arrestua pas mbërritjes së përforcimeve. Identiteti i tij nuk bëhet me dije, por ai akuzohet për lëndime të rënda personale dhe rezistencë ndaj një zyrtari publik.
