Gjiganti i rrjeteve sociale Meta pësoi një humbje të madhe ligjore, e cila mund të ndikojë negativisht në politikën e reklamave në Facebook dhe Instagram.
Autoritetet kompetente evropiane zbuluan se përmes marrëveshjeve speciale, përdoruesit e këtyre mediave sociale ishin të detyruar të merrnin reklama të personalizuara.
Sipas vendimit të Gjykatës, gjoba e vendosur nga BE drejt kompanisë Meta është 390 milionë euro.
Përveç kësaj është e mundur siç raportojnë rrjetet ndërkombëtare, që Meta (Facebook dhe Instagram) të detyrohet të bëjë ndryshime të kushtueshme.
Vendimi i së mërkurës lidhet me dy kallëzime ndaj Metës në vitin 2018. Pas shpalljes së gjobës, kompania e rrjetit social ka dalë me deklaratën e saj.
“Ne besojmë se qasja jonë është në përputhje me Rregulloren e Përgjithshme të BE-së për Mbrojtjen e të Dhënave, prandaj jemi të zhgënjyer nga vendime të tilla”, thuhet në njoftimin përkatës.
Sipas urdhrit të gjykatës, Metës i kërkohet të respektojë një kuadër ligjor, i cili ende nuk dihet, por me gjasë do të përcaktojë aftësinë për të zgjedhur për reklamat e synuar
