Një 35-vjeçar shqiptar ka dalë para gjykatës në Britaninë e Madhe pasi u arrestua duke transportuar katër kilogramë kanabis me automjetin e tij në Penrith.
Sipas mediave lokale, Florjant Buzali po drejtonte mjetin tip “Volkswagen T-Cross” kur u ndalua nga policia në kryqëzimin 40 të autostradës M6 më 25 nëntor.
Gjatë kontrollit në automjet, oficerët gjetën katër thasë të mbyllur me vakum 1 kg që përmbanin kanabis të vendsour në një ndarje midis gomës rezervë.
Përveç lëndës nakotike shqiptarit ju gjetën edhe 18,000 paund cash. Raportohet se kanabisi vlen disa mijëra paund nëse do të shitej në rrugë.
Sakaq Buzali u paraqit sot në Gjykatën e Lartë të Carlisle përmes një lidhjeje në zoom dhe u ndihmua gjatë një seance të shkurtër nga një përkthyes shqiptar.
Ai përballet me dy akuza, posedim kanabisi dhe posedimin e pasurisë kriminale. Buzali do të kthehet në gjykatën e Lartë më 31 janar, kur parashikohet që më pas të bëhen deklarata për akuzat me të cilat përballet. Ndërkohë atij i është caktuar masa e paraburgimit.
