Viti i Ri është parë gjithmonë si mundësia për të nisur gjithçka nga e para, për të rregulluar gabimt e bëra në të shkuarën, për t’i dhënë vetes mundësinë për të pasur njohje të reja dhe për të lënë pas historitë e vjetra. Dhe për këto gjëra, përveç synimit për t’i arritur, qytetarë të vendeve të ndryshme vënë në zbatim besëtytni të ndryshme. Në këtë mënyrë, mendohet se i hapin derën me këmbë të mbarë Vitit të Ri.
Një prej riteve është mbushja plot e portofolit. Ora 00:00 duhet t’ju gjejë të ‘pasur’ ndaj mbusheni portofolin para se të trokisni gotat.
Të mbash një valixhe bosh në mesnatë në shtëpi, besohet se do të bëjë që të kesh një vit plotë Aventura e udhëtime. Nëse ky është qëllkimi juaj, bëjeni.
Ngjyra e kuqe sjell dashurinë, kryesisht të brendshmet, ndaj pse të mos i vishni?
Spanja beson se konsimimi i 12 kokrave rrushi në mesnatë sjell fat.
Pastroni shtëpinë, kështu mendohet se mbani larg të gjithë negativitetin e të ‘këqijat’ e vitit që lamë pas.
Mos qani! E qara konsiderohet shenjë e keqe për atë çfarë do të pasojë. Mund të sjellë një vit të trishtuar.
Mos merrni para borxh në ditën e fundit të vitit dhe në ditën e parë të vitit që vjen, nëse nuk doni që 12 muajt e ardhshëm t’ju sjellin telashe financiare.
