Ikona të futbollit kanë shprehur ngushëllime dhe i kanë dedikuar disa fjalë ndarjes nga jeta të legjendës Pele. Edhe Neymar, i është bashkuar një vërshimi homazhesh pas lajmit për vdekjen e “Mbretit Pele”.
Në një postim në Instagram, Neymar thotë: “Përpara Pele, ‘10’ ishte vetëm një numër. E lexova këtë frazë diku, diku në jetën time. Por kjo frazë, e bukur, është e paplotë. Unë do të thoja se para Peles, futbolli ishte vetëm një sport. Pele ndryshoi gjithçka. Ai e transformoi futbollin në art, në argëtim.
Ai u dha zë të varfërve, zezakëve dhe më e rëndësishmja: Ai i dha shikueshmëri Brazilit. Futbolli dhe Brazili e ngritën statusin e tyre falë Mbretit! Ai ka ikur, por magjia e tij do të qëndrojë.
Pele është i përjetshëm!!”.
View this post on Instagram
