Eksperti i kriminalistikës, Ervin Karamuço i ka bërë apel qytetarëve që të tregojnë kujdes në Sheshin “Skënderbej”, që mos të bien pre e vjedhjeve.
Përmes një reagimi në Facebook, Karamuço theksoi se qytetarët vidhen me armë.
Reagimi i Karamuços
Meqenëse nuk njofton Policia e Shtetit, kam detyrim moral dhe qytetar ta bëj unë. Lutem kini kujdes në Sheshin “Skënderbej”, sepse vijon vjedhja e qytetarëve me anë të kanosjes me armë. Megjithëse u arrestuan dy persona para 4 ditësh, një tjetër grup vijon të sulmojë qytetarët dhunshëm, duke ju marrë portofolat dhe celularët. 2 raste të reja kanë ndodhur para 1 ore.
