E ardhmja e Cristiano Ronaldo-s mbetet e paqrtë. Pas prishjes s ëkobtratës me Manchester United, pesë herë fituesi i Kupës së Botës ka mbetur pa ekip.
Portugezi është në pritje të një skuadre europiane që luan në Champions League, por nëse kjo nuk vjen, ai mund të pranojë të transferohet tek Al Nassr në këmbim të një rroge marramendëse.
Megjithatë, klubi suadit duket se ka ëndrra të mëdha dhe nuk do të ndalet me Cristiano Ronaldo-n. Siç ka bërë të ditur Marca, shumë shpejt do t’i bëjë një ofertë të pasur një ish-shoku të skuadrës së CR7 në kohën e Real Madrid, si Sergio Ramos.
Kontrata e qendërmbrojtësit veteran me Paris Saint-Germain skadon qershorin e ardhshëm dhe, për momentin, nuk ka asnjë negociatë për një rinovim të mundshëm.
Ndërsa duket se do të vijë shumë shpejt oferta e sauditëve: drejtuesit e Al Nassr e dinë se Ramos do të donte të luante akoma në nivele të larta, por në të ardhmen e afërt do të zbarkojnë në Europë me synimin për ta bindur.
