Prokuroria e Posaçme ka mbyllur hetimet për gjyqtaren e Elbasanit Zamira Vyshka, avokatin Ilir Pashaj dhe të pandehurve të tjerë.
Për këtë çështje SPAK ka marrë 5 persona të pandehur ku përveç Vyshkës e Pashajt janë edhe 3 familjarët që do të ndërhynin tek gjyqtarja për uljen e dënimit të Xhulio Musait.
SPAK i ka komunikuar akuzën të martën ku ajo do përballet me drejtësinë për akuzën, “Korrupsion pasiv i gjyqtarit, prokurorit dhe funksionarëve të tjerë të drejtësisë”, në bashkëpunim, parashikuar nga nenet 319 dhe 25 të Kodit Penal. Të mërkurën akuzat i janë komunikuar edhe Taulant Romallarit dhe Adrea Tiranës.
Romallari akuzohet për korrupsion, ndërsa Tirana për mos kallëzim. Ndërsa këtë të enjte SPAK do i komunikojë akuzën e korrupsionit edhe avokatit Ilir Pashaj. Pas komunikimit të akuzave, pritet që dosja ndaj ish gjyqtares e personave të tjerë ti kalojë SPAK. Në dosjen hetimore thuhet se Fakti penal i hetuar, lidhet me një rast të korrupsionit aktiv/pasiv në sistemin e drejtësisë, ku persona të interesuar/familjarë të një shtetasi të arrestuar në bashkëpunim me avokatin mbrojtës, i kanë ofruar gjyqtarit të çështjes një shumë monetare me qëllim favorizim në caktimin e masës së dënimit.
Më tej në dosje thuhet: “Nga konteksti i bisedës dyshohet se Taulanti po i tregonte sërish për takimin e datës.10.2021 me avokatin Ilir Pashaj ku sipas Taulantit avokati i kishte kërkuar katër pesë ditë ai e kishte bërë gati një dyshe, por më pas ishte penduar duke mos jua dhënë pasi në komente shprehet në numrin shumës: “po bëja një dyshe gati e futa prap në sqetull e mor ngelën me gisht në gojë”.
Konfirmohet në këtë bisedë se shuma monetare që rëzohej avokatit Ilir Pashaj ishte më qëllim dorëzimin tek gjyqtarja Zamira Vyshka e present në një largësi të vogël me takimin. Për këtë arsye, Taulanti referon se ngelën me gisht në gojë. Përgjimet dhe vëhgimet në terren janë disa nga provat që Spak do paraqesë përpara gjykatës.
Gjyqtarja Zamira Vyshka ende nuk e kishte kaluar procesin e vettingut ndërsa priste të paraqitej në Komisionin e Verifikimit ndërsa Ilir Pashaj, dikur gjyqtar, dha dorëheqjen sapo nisi procesi i vettingut për të kaluar në profesionin e lirë të avokatit.
