Triumfi në Kupën e Botës, nuk shërbeu për ta ngritur Lionel Messin thjesht në legjendat e padiskutueshme të futbollit. Numri 10 është shndërruar edhe në personalitetin e momentit në Argjentinë, me bashkëkombësit e tij që do të ishin të gatshëm ta zgjidhnin edhe president të shtetit.
Ky është përfundimi i një sondazhi të zhvilluar në vendin latin. Vendimi i njerëzve të cilët janë bërë pjesë e pyetësorit ishte i qartë: Nëse Messi do të garonte në zgjedhjet presidenciale të vitit 2023, ai do të kishte shanse shumë të mira të fitonte, me 43.6% të votave. I vetmi kandidat që do ta rivalizonte kapitenin e Argjentinës do të ishte Fernandez, kandidati i partisë së qendrës së majtë, një veteran që aktualisht mban postin e zv.presidentit.
Zgjedhjet presidenciale në Argjentinë do të zhvillohen në tetor, me vendin që është përfshirë nga kriza e thellë ekonomike. Mes kaosit financiar, Leo Messi i ktheu buzëqeshjen dhe entuziazmin argjentinasve. Kapiteni e udhëhoqi përfaqësuesen albiceleste drejt triumfit në Katar 2022 dhe riktheu Kupën e Botës në Argjentinë 36 vjet pas trofeut të fituar nga Diego Armando Maradona.
