Miliarderi Elon Musk është vënë në qendër të vëmendjes së fundmi për shkak të një kirurgu plastik, i cili pretendon se duke parë fytyrën e njeriut më të pasur në planet, ai mund të shohë se ai ka shpenzuar më shumë se 172,000 dollarë për operacione plastike për të duke eleminuar njollat në fytyrën e tij, trupin e tij dhe mbjelljen e flokëve të rënë.
Më konkretisht, Dr. Richard Westreich tha për “Sun”: “Mendoj se Musk është kujdesur për flokët, sytë dhe lëkurën poshtë qafës. Në fillim të këtij viti, ai dukej ndryshe. Ju mund të shihni llojin e ënjtjes që ndodh pas një ngritjeje të qafës. Që atëherë ai është rikuperuar dhe nuk duket të ketë atë shenjë të çuditshme në qafë”.
Kirurgu plastik, i cili sipas informacioneve të gazetës britanike është i specializuar për fytyrën, ka folur edhe për koston e operacioneve të Musk: “Ngritja e mundshme e qafës së tij mund të kushtojë rreth 60 mijë dollarë. Ekziston mundësia që i është mbushur edhe hapësira poshtë syve, që është një transferim dhjami. Kjo duhet t’i ketë kushtuar atij 10,000 dollarë. Flokët e Elon Musk duket se janë ndryshuar të paktën katër herë gjatë viteve, gjë që do të kushtonte rreth 40,000 dollarë”.
Sa i përket shenjave treguese të kirurgjisë estetike, Dr. Richard Westreich shpjegoi: “Zakonisht ju shihni një prerje nën mjekër dhe më pas një prerje tjetër rreth veshit dhe ndonjëherë poshtë para vijës së flokëve”.
Spekulimet për pamjen e ‘ndryshuar’ të pronarit të Twitter kanë qarkulluar prej vitesh dhe janë përqendruar në ndryshimet që ai ka bërë në nofullën dhe flokët e tij. Pavarësisht raportimeve që po “qarkullojnë” në internet, multimiliarderi nuk ka konfirmuar dhe as mohuar atë që thuhet.
