Polemikat për mos grumbullimin e Karim Benzema nga tekniku Didier Deschamps as në natën e finales me Argjentinën në “Lusail”, edhe pse ai ishte në gjendje optimale pas rikuperimit në Madrid, vijojnë të mbeten aktive.
Kësaj herë është agjenti i sulmuesit francez, Karim Djaziri që ka ndezur rrjetin duke postuar në Twitter një video me disa dëshmi shkencore që tregojnë se futbollisti i Real Madridit do të kishte qenë në gjendje të luante në Botërorin “Katar 2022” me ekipin e tij që pas fazës së grupeve.
Je pose ça là mais avant ça j’ai consulté 3 spécialistes qui confirment le diagnostic que @Benzema aurait pu être apte à partir des 1/8 éme pour au moins être sur le banc ! Pourquoi lui avoir demandé de partir si vite ? pic.twitter.com/wtOHhDeDVW
— Karim Djaziri (@KDjaziri) December 26, 2022
Ky dokument audiovizual shoqërohet nga Djaziri me tekstin e mëposhtëm, gjoja duke aluduar për Deschamps: “E kam konsultuar te tre specialistë, të cilët konfirmojnë diagnozën se Benzema mund të ishte i aftë që në fazën e 16-të, të paktën të ishte në pankinë. Atëherë pyetja është: “Pse u largua kaq shpejt?”“.
Edhe pse Benzema ishte një opsion për tu grumbulluar që në 1/16 e finales, Dechamps vendosi t’i besojë 24 lojtarëve të mbetur në Doha. Më vonë, në përfundim të turneut, ku Franca luajti finalen, ai njoftoi tërheqjen e tij nga kombëtarja.
