Rifillimi i Premier League ne te ashtuquajturen Boxing Day, pra dita pas Krishtlindjeve, ka sjelle si gjithmone gola, surpriza, permbysje dhe befasi. Keshtu ndodhi edhe sot ne Londer ne nje sfide teper emocionuese…
Pas një pauze prej më shumë se një muaji, u rikthye Premier League me Tottenham që ngeci në transfertë ndaj Brentford me rezultatin 2-2. Në fakt, Spurs-at mund të dilnin edhe pa pikë në këtë ndeshje, duke qenë se pësuan dy gola.
Një në pjesën e parë me Janelt që shënoi në minutën e 15-të, ndërsa në të dytën Toney realizoi në të 54-tën minutë. Megjithatë, londinezët nuk u dorëzuan dhe ishte Harry Kane ai i cili shkurtoi diferencat në minutën e 65-të ndërsa pas vetëm gjashtë minutash Hojbjerg barazoi shifrat.
Tottenham, tentoi gjithçka për gjithçka në minutat e mbetua duke pretenduar edhe penallti, por në fund u desh të kënaqeshin me një pikë. Pas kësaj ndeshje, Tottenham është në vend të katërt me 30 pikë ndërsa Brentford mbetet në kuotën e 20 pikëve në vend të nëntë.
Rekordi – Me golin e sotem ndaj Brentford, Harry Kane tani ka shënuar kundër të gjitha 32 klubeve të Premier League me të cilat është përballur ne karrieren e tij… Harry Kane është gjithashtu futbollisti që ka shënuar më shumë gola në BoxingDay në historinë e Premier League (10 gola), duke shënuar në të shtatë paraqitjet e tij në këtë ditë. Snajper…
