Avokati Ledio Braho denoncoi gjuhën e kryeministrit Edi Rama ndaj tij, në seancën e fundit parlamentare, teksa diskutohej për Avokatin e Popullit.
Braho, i cili ishte një prej kandidatëve, tha se u sulmua në seancë nga kreu i qeverisë.
Ai u shpreh se Rama tentoi ta politizojë figurën e tij dhe këtë e quajti të turpshme.
“Ndoshta mazhoranca nuk e ka të rëndësishme avokatin e popullit, por çfarë më intereson është që ajo seancë u përdor për të më anatemuar mua. Unë mund të them që ajo që ndodhi atë ditë në seancë është e turpshme, gjithë kandidatët ishin seriozë por fakti që më ndodhi mua pasi jam kandidatura më e preferuar e PD-së. Se kë zgjedh unë për klient apo kush më zgjedh mua për avokat nuk është gjë për tu diskutuar e nuk është e politizua”, u shpreh ai në emisionin “Top Story”.
“Unë nuk mund të jem i politizuar por të gjitha janë justifikime e për inat u refuzua kandidatura ime nga mazhoranca. Është e turpshme ajo që ndodhi pasi jam një kandidat që e kam krijuar vetë karrierën profesionale në Kuvend më duket e tepërt ajo që ndodhi. Emri im mund të ishte refuzuar por pa më anatemuar siç ndodhi atë ditë në parlament”, shtoi ai.
