Gazetari Enton Abilekaj ka komentuar në emisionin të Paekspozuarit në MCN TV, lidhur me krimin në vendin tonë, duke u shprehur se kriminelët sot janë ata që kanë pushtet dhe se kanë mbushur institucionet e rëndësishme të shtetit me familjarët e tyre.
“Krimi ishte përfshirë aq shumë në politikë deri në vitin 2015 sa ne u detyruam të bënim ligjin e dekriminalizmit për të hequr kriminelët nga parlamenti dhe ikën kriminelët nga parlamenti. Dhe çfarë ndodhi, pas kwtij ligji, krimi është përsëri në politikë dhe administratë përmes të tretëve, njerëz që përfaqësojnë kriminelët në administratë. Këta marrin pjesë sot në tendera, fusin para si aksioner në kullat më të lartë të Tiranës. Çfarë të themi ne për një njeri që e ka burimin nga bota e krimit. Legjitimimi këtu bëhet nga shteti, si Eskobari. Pra ne sot jemi në situatën kur kriminelët sot kanë pushtet. Kur u arrestuar Dumani, motra e tij punonte në ministri të jashtme, pra institucionet janë të mbushura me familjarët e tyre“, tha ai.
