Gazetari Enton Abilekaj, i ftuar në emisionin në Syri TV, teksa foli për zhvillimet politike në vend, theksoi shqetësimet lidhur me përdorimin e dhunës politike dhe shkeljen e institucioneve demokratike nga ana e qeverisë.
Abilekaj u shpreh se situata aktuale nuk është një çështje e thjeshtë politike, por një akt dhune ndaj demokracisë, duke aluduar në veprimet e Kryeministrit Rama dhe sjelljen e tij në Kuvend, ku kërkoi të mbyllte debatet dhe të shpërfillte opozitën.
Për gazetarin, ky është një moment i rëndësishëm që tregon rënien e institucioneve demokratike dhe përpjekjet për të shkatërruar opozitën e pavarur.
Abilekaj shtoi se, përveç kësaj, ka një përpjekje të vazhdueshme për të instaluar ministra të cilët ai i quajti “robota”, duke theksuar se në këtë mënyrë nuk është e mundur të flitet për një sistem demokratik të shëndetshëm.
Pjesë nga deklarata:
Unë mendoj që kjo nuk do të trajtohet shumë. Kjo nuk është një lojë politike. Kjo duhet trajtuar si një akt dhune ndaj demokracisë. Kjo nuk është “ja hodha Ramës opozitës” apo “ia ngrita kurthin opozitës”. Kjo është, kryeministri gjeti mënyrën që sot, nëpërmjet dhunës politike, të mos jepte llogari.
Një kryeministër që shkel Kushtetutën dhe nxjerr një ministër roboti për të provokuar opozitën dhe për të dalë mbi Kushtetutën, duke thënë “po foli, unë do ta mbyll seancën dhe do të kaloj në votim”, ky është një akt dhune ndaj opozitës dhe demokracisë.
Opozita, prandaj, sot kemi një opozitë kokulur. Nuk mund të akuzohet opozita si opozitë destruktive. Kjo opozitë është e dërrmuar, e masakruar në zgjedhje, por çfarë ka bërë ai? Shkon në Parlament. Ka paturpësinë të shkojë në Parlament për atë hapësirë që i lejohet dhe ta përdorë për të komunikuar me publikun.
Dhe këtë që bëri opozita, që hyri në Parlament për të komunikuar me qytetarët, ja hoqi Rama sot. I tha: “As atë s’ke.” Ky është trupi i demokracisë, ky është një skandal. Nuk ka vend autokratik ku ndodh kjo.
Po të marrim fillimin e Parlamentit, kemi kështu: zgjedhjen e kryetarit të Parlamentit me urgjencë, zgjedhjen e kryetarit të Kuvendit me urgjencë, kalimin e rregullores pa debat, ndryshimin e komisioneve me urgjencë. Opozita kërkon debat sipas Kushtetutës. Ai gjeti mënyrën për ta shkatërruar, e kërkoi me provokim. Opozita kërkoi dy ditë debat. Kjo opozitë është futur në Parlament vetëm për të folur me qytetarin, sepse nuk ka forcë. Por Edi Rama nuk do opozitë, nuk do as ministra, do robota. Ato ministra kokëboshe nuk i do, do vetëm robota. I do robota fare, more. Ai nuk do as të vetët që janë kthyer në robota.
