Pak nga pak po i afrohemi spektaklit që do të nisë këtë edicion të Big Brother Vip.
Detajet e para po konfirmohen nga vetë stafi i produksionit teksa ka zbuluar identitetin e disa prej banorëve dhe jo vetëm.
Nën moderimin e prezantueses Arbana Osmani, 15 personazhe VIP do të fillojnë rrugëtimin e tyre 100 ditor në spektaklin e famshëm, duke garuar pë çmimin e madh prej 200 mijë eurosh.
Ndër emrat më të spikatur nga konkurrentët, duket të jenë prezantueset Kejvina Kthella dhe Kiara Tito, aktorët Gent Hazizi dhe Amos Zaharia, këngëtari Luiz Ejlli dhe prezantuesi Ronaldo Sharka.
Ndërsa, burimet kanë treguar se opinionistët e edicionit të sivjetmë janë Arbër Hajdari dhe Bleona Qereti.
Fitues i edicionit të parë të BBV Albania u zgjodh balerini Ilir Shaqiri, ndërsa i dyti në renditje përfundoi aktori Donald Veshaj, pasuar nga prezantuesja Einxhel Shkira (e treta) dhe modelja Beniada Nishani (e katërta në renditjen finale).
